سکوت و خامشی اظہارِ حـالِ بے زبـانی ہے

سکوت و خامشی اظہارِ حـالِ بے زبـانی ہے

کمیـنِ درد میں پوشـیدہ رازِ شـادمـانی ہے

عیاں ہیں حال و قالِ شیخ سے اندازِ دلچسپی

مگر رنـدِ قَـدَح کش کا ابھـی دورِ جوانـی ہے

ثباتِ چند روزہ کارفرمائے غم و حسـرت

اجل سرمایہ دارِ دورِ عیش و کامرانی ہے

گدازِ داغِ دلِ شمعِ بساطِ خانہ ویرانی

تپش گاہِ محبت میں فروغ جاودانی ہے

وفـورِ خود نمائ رہـنِ ذوقِ جـلوہ آرائ

بہ وہم کامرانی جذبِ دل کی شادمانی ہے

دلِ حرماں لقب کی داد دے اے چرخِ بے پروا

بہ غارت دادۂ رخت و متاعِ کامرانی ہے