رازداری

آخری تبدیلی: ۱۰ اکتوبر ۲۰۲۶ء

دیوان پڑھنے کے لیے کسی اکاؤنٹ کی ضرورت نہیں۔ ہم صرف وہی محفوظ رکھتے ہیں جو سائٹ کے چلنے کے لیے ضروری ہے، اور اسے کسی کو بیچتے یا دیتے نہیں۔ نہ اشتہار ہیں، نہ اشتہاری یا جاسوس کوکیز، نہ کسی اور کمپنی کے ٹریکر۔

بغیر اکاؤنٹ کے پڑھتے ہوئے

• آپ کی پسند (خط، رنگ، روشنی، پڑھنے کا انداز) آپ کے اپنے براؤزر میں رہتی ہے، ہمارے سرور پر نہیں۔ ہندسوں کی پسند ایک چھوٹی کوکی میں رہتی ہے تاکہ صفحہ انھی ہندسوں کے ساتھ آئے۔
• لاگ ان اور اکاؤنٹ بنانے کی کوششوں کی حد کے لیے سرور آپ کا انٹرنیٹ پتہ (IP) تھوڑی دیر کے لیے یاد رکھتا ہے، اور غلطیوں کے ریکارڈ میں صفحے کا پتہ اور وقت درج ہوتا ہے۔ یہ صرف سائٹ کی حفاظت اور خرابیاں ٹھیک کرنے کے لیے ہیں اور کچھ دن بعد مٹ جاتے ہیں۔
• گنتی: کون سا صفحہ کتنی بار پڑھا گیا، روزانہ کتنے قارئین آئے، اور کس ویب سائٹ سے (صرف اس کا نام) — صرف گنتی، بغیر کوکی کے۔ قارئین گننے کے لیے انٹرنیٹ پتے اور براؤزر کی ایک نہ پلٹنے والی شکل بنتی ہے جس کی کنجی ہر روز بدلتی ہے اور کہیں محفوظ نہیں ہوتی، اس لیے کسی کو پہچانا یا ایک دن سے دوسرے دن تک پیچھا نہیں کیا جا سکتا۔

اکاؤنٹ کے ساتھ

• اکاؤنٹ: ای میل پتہ، اور پاس ورڈ کی ایک نہ پلٹنے والی شکل (اصل پاس ورڈ کہیں محفوظ نہیں ہوتا)۔ اگر آپ لکھیں تو پورا نام اور تعارف۔
• آپ کا ذخیرہ: محفوظ شدہ شعرا، کتابیں، کلام، اشعار، عبارتیں اور کتابوں کے صفحات؛ نوٹ؛ ذخیرۂ الفاظ۔ یہ صرف آپ کو نظر آتے ہیں۔
• لاگ ان کی کوکی: ایک کوکی جو ۳۰ دن آپ کو لاگ ان رکھتی ہے۔ سرور پر اس کی صرف ایک نہ پلٹنے والی شکل رہتی ہے۔

موڈریٹروں کا کام عوامی ہے

جو تبدیلی شائع ہوتی ہے وہ دیوان کے کھلے ڈیٹا کے ذخیرے میں درج ہوتی ہے: کس نے لکھی، کس نے منظور کی، کب۔ وہاں آپ کاعوامی نام لکھا جاتا ہے (پورا نام، ورنہ «موڈریٹر» اور ایک نمبر)، ای میل کبھی نہیں۔ یہ تاریخ کھلی اور مستقل ہے، اکاؤنٹ ختم کرنے کے بعد بھی شائع شدہ کام کے ساتھ رہتی ہے۔ مسودے اور جائزے کے تبصرے صرف موڈریٹر دیکھتے ہیں۔

دوسری ویب سائٹیں

خط اور تمام فائلیں ہمارے اپنے سرور سے آتی ہیں۔ دوسری سائٹ سے صرف تب رابطہ ہوتا ہے جب آپ خود چنیں: لغت میں تلفظ کی آواز ویکی میڈیا سے چلتی ہے، archive.org کی کتاب archive.org کا ریڈر کھولتی ہے، اور «گوگل» نئی ٹیب میں گوگل کھولتا ہے۔ ان سائٹوں کی اپنی رازداری کی پالیسیاں ہیں۔

آپ کا اختیار

• اکاؤنٹ میں نام اور تعارف بدل سکتے ہیں اور اکاؤنٹ اپنے تمام ذخیرے سمیت مستقل طور پر ختم کر سکتے ہیں۔
• محفوظ کی ہوئی ہر چیز اور ہر نوٹ اپنی جگہ سے ہٹایا جا سکتا ہے۔
• اپنے ڈیٹا کی نقل یا کسی سوال کے لیے ہم سے رابطہ کریں۔

یہ پالیسی بدلے تو یہی صفحہ بدلے گا، تاریخ کے ساتھ۔ دیکھیے: استعمال کی شرائط۔