آفت آہنگ ہے کچھ نالۂ بلبل ورنہ

آفت آہنگ ہے کچھ نالۂ بلبل ورنہ

پھول ہنس ہنس کے گلستاں میں فنا ہوجاتا

کاش ناقدر نہ ہوتا ترا اندازِ خرام

میں غبارِ سرِ دامانِ فنا ہوجاتا

یک شبہ فرصتِ ہستی ہے اک آئینۂ غم

رنگِ گل کاش! گلستاں کی ہَـوا ہوجاتا

مستقل مرکزِ غم پہ ہی نہیں تھے ورنہ

ہـم کو انـدازۂ آئـینِ فـنـا ہـوجـاتــا

دستِ قدرت ہے مرا خشت بہ دیوارِ فنا

گر فنا بھی نہ میں ہوتا تو فنا ہوجاتا

حیرت اندوزئ اربابِ حقیقت مت ہوچھ

جلوہ اک روز تو آئینہ نما ہوجاتا